Paulit-ulit.

    Ang Mundo natin ay isang malaking bilog, ito ang hugis na nasa aking isipan kung siya ay titignan ng mabuti. Sa bawat parte ng mundong ito ay may mga lugar na tinatawag nilang bansa. Para mas lalong malaman ang pag-hati hati nito ay binigyan ito ng pangalan at tinawag nila itong Pitong Kontenente. Sa bawat kontente ay may kinabibilanagang mga bansa.

Well hindi yan ang topic ko, panimula lang yan wala kasi akong maisip na sasabihin sa pamagat kong paulit-ulit. nais ko lang bigyan ng pansin ang mga pangyayaring nangyayari sa loob at labas ng Pilipinas, maging sa showbis man o normal na nilalang na nabubuhay sa mundong ito. Paulit-ulit , kasi ito ang isa sa mga napapansin kong bagay na aking nalalaman, nakikita at naririnig sa aking paligid sa pamamagitan ng Telebisyun, Radyo, News paper at chismis ng mga kapitbahay ko.

Ayon sa balita isang malaking barko ang umalis sa kasagsagan ng Malakas na bagyo, at ito ay nilamon ng malaking alon sa gitna ng karagatan, maraming mga nasawing pasahero doon ang ilan ay nawawala parin hangang ngayun. Sa kabila nito patuloy ang pag-iimbistiga sa nangyaring landslide sa kalapit bayan nito at maraming mga residente ang nawalan ng bahay at nasawi, ang ilan dito ay pinaghahanap parin ng mga pulis. Sa hindi kalayuan naman, isang pampasaherong Bus ang nawalan ng preno at lulan nito ang mga pasaherong uuwi sana sa kani-kanilang probinsya upang magdiwang ng undas, ayun sa pag-sisiyasat ng mga pulis, mabilis umano ang patakbo ng bus kaya nawalan ito ng kontrol at bumulusok ito sa malalim na bangin, kaya naman maraming mga pasahero nito ang nasaktan at nasawi kabilang na dito ang mga bata.

Ilang balita pa kaya ang pwede natin marinig, na tila paulit ulit na nangyayari, Ilang araw din laman ng balita ang mga ganitong balita sa lahat ng pahayagan ng telebisyun, radyo at dyaryo. Pag-kalipas ng iilang lingo makakabalita ka naman ng dalawang artista na nag-iibigan, pag-uusapan ng bayan, mag-kakaroon ng pelikula at teleserye at pag-katapos nun laman ulit sila ng showbiz balita, kasi hiwalay na sila. Si babaeng artista iiyak, lilitaw ang mga nag-papanggap na artistang kaibigan na hindi na lumalabas na T.V para kunwari o baka sakali bigyan sila ng trabaho ulit hahaha, nakakasawa diba. Si lalaking artista biglang mawawala , nasa abroad na pala. bigla mo na lang makikita sa isang Chanel nag ho host na pala, o kaya naman tumatakbo na ng mayor sa kanilang bayan, tas mangungurakot lang din naman hayyyyy... Sa usapang pulitikal naman hindi parin matapos tapos ang balita o pangyayari na , isang mataas na opisyal ng palasyo, nangurakot sa kaban ng bayan. Isang dating senador nasasangkot ngayun sa droga at kahit sinu -sinu pang personalidad na kilala na sa ating bayan ay napapa balita sa ganitong paulit-ulit na balita. Ang tanung, anu bang nangyayari pag-katapos ng kwento? umuunlad ba tayo? HINDI diba... imbis na pansinin ang mga hinaing ng mga taong bayan, kasama na ang mga kababayan natin sa ibang bansa na humihingi ng suporta mula sa gobyerno ay nababalewala dahil sa ganitong usapin na mismong mga taong walang kwenta ang umaagaw ng atensyun at suporta sa mga kababayan natin. Kung papansinin mo ang mga bawat balitang naririnig mo mula ng mag-kaisip ka at hanggang ngayun ay ganun parin, iba iba nga lang ang mga taong nababanggit sa balita at ang ilan ay nauulit pa, ay siya din ulit itong malalaman at mababalitaan mo sa susunod pang mga paulit-ulit na lang na balita. nakakaswa diba. ?

Hindi man mapansin ang mga iilang pangyayri na ikaw din mismo ay nakakapansin nito ay hindi rin ito nalalayo sa usaping paulit-ulit lang, sabi nga ng iilan “parang sirang plakang paulit-ulit ang tunog, sira naman” .  marami ding mga balita na aking naririnig na hindi ko na nasabi sa blog na ito, pinansin ko lang ang mga iilang bagay na para sa akin ay paulit-ulit sa aking  pandinig at nababasa sa dyaryo. tulad ng laman ng iyong isipan maaring ito ay nauulit din sa iyong kapaligiran kaya sabi ko nga, iba-iba lang ang panahon at karakter pero iisa lang ang tunog nito.

Forwarded Badluck message.

• Binigyan ka ng pag-kakataon na basahin ito. wag mo na ihinto badluck will happen, put your hand in your lips then wish. After you wish will be granted 3 times, ipasa mo sa 20 na katao pag-sinunod mo ito matutupad ang wish mo. pag- hindi mamamatay ang taong mahalaga sa iyo. takot po kasi akong mawalan ng taong mahalaga sa akin eh. 20 minutes is running out starts now.

•     The virgin of Guadalupe is miraculous. She accompanies you all the time. This message must continue its journey around the world.  The President of Argentina received this message and called it junk 8 days later his son died. A man recieved this message and immediately send this copies. His surprise his winning lottery. Albert Martinez recieved this  and ask his secretary  to make copies but forget to distribute. He lost his Job and his farm. ( This is miraculous and sacred) Dont ignor, forward it with 13 days to 25 people.

    Iilan lang ito sa mga text message na kumakalat at ikinakalat ng mga baliw na naniniwala sa message chain badluck na ito. Kahit noong college pa ako nakaka received  na ako nito, at aaminin ko, nag-papasa din ako noon sa iba, kung ikaw din naman ay makakabasa sa unang pag-kakataon nito ay siguradong maglo-load ka para mai send mo din sa iba. Iwas badluck ika nga. Maging sa mga computer, sa mga opisina ay may mga ganito din at naipapasa sa pamamagitan ng e-mail, halimbawa sa Microsoft office outlook,  na kung saan kadalasan ginagamit ng mga nagta trabaho sa mga opisina. Pero kung iisipin mo may katotohanan kaya ang mga ito, ang mga pangalan at personalidad na nababanggit sa mensahe ay kilala ba natin, para paniwalaan lang. Hindi natin matukoy kung saan at sino ang gumagawa nito upang ikalat lang ang mga panget at maling paniniwala nila at kahit pangalan ng Diyos ay binabanggit upang patotohanan lang at sumunod ka sa pag-papasa ng message na ito sa iba. Naiinis ako sa mga taong nag-papasa nito dahil maging mga kaibigan ko ay pino forward din sa akin ang mga message chain na ito, ngayun sa tuwing makaka received ako ng ganitong mensahe ay hindi ko ito pinapasa sa iba, bagkus binubura ko pa nga agad. Dahil para sa akin kabaliwan lang kung paniniwalaan mo ito. Sadya kong hindi muna binura sa cell phone ko,  ang mensahe na nasa itaas ng article na ito, upang mailathala sa inyo ang nais kong sabihin sa ganitong message chain, buti sana kung Good luck at Prayer for helping people ay sisipagin pa akong i-send din sa iba lalo na maganda at mahalaga ang ipapasa mong Text message.
Sa laki ng mundo na ating ginagalawan, bawat bansa ay may mga mahihirap na nilalang. Kung ikukumpara mo ang panget na paniniwala mo sa mensaheng nare received mo, sa kalagayan ng mga taong walang tahanan, walang trabaho, walang makain at walang wala talaga sa buhay ay maiisip mo pa bang malas at naghihirap ka sa hindi lang pag-papasa ng mensahe na ginawa lang ng tao? Takot, oo mga taong takot lang ang nag-papasa din nito sa iba, simpleng brain wash agad ito sa utak mo upang sumunod ka sa kanila. sa tuwing hindi ka gumaya o hindi mo ipapasa ang mga tulad ng mensahe na nabasa mo sa itaas ng article na ito, ay pakiramdam mo mamalasin kana.

Ito tatandaan mo, hanggat may Kristo ka dito sa puso mo, wala ka dapat ikatakot.

NBI Clearance

NBI clearance isa sa mga mahahalagang requirements na kinukuha natin para gamitin sa pag-aaply ng trabaho local man o abroad. bawat araw, sa NBI office sa ibat ibang branches sa paligid ligid ng pinas ay hindi bababa sa 400 ang mga aplikanteng kumukuha ng NBI clearance araw-araw mula lunes hanggang biyernes siguro hehe. Tulad ko isa ako sa mga debuto ng NBI clearance para gamitin ko sa pag-aaply ko ng bagong trabaho. alam ko na sa pag-kuha ng clearance na ito ay maraming tao na nakapila at maaring magulo pa din ang systema at hindi nga ako nag-kamali dami ngang tao at magulo silang tignan para silang nasa palengke. hindi iyon ang una kong pag-kuha ng NBI clearance sa NBI Tarlac Branch pero syempre malilito ka parin kung anung first step at 2nd step sa pag-kuha ng clearance dahil maaring may nabago sa sistema ng pag-kuha ng clearance, kaya kailangan hanapin mo si Mr. magtanung kaya ayun na guide naman ako, at dun ko narin napansin na bago at pogi  na din ang NBI form nila hindi na (NBIXF) or NBI xerox form hahaha. Ilang saglit lang pumila narin ako sa unang step ng proseso matagal tagal din bago ako makarating sa mismong nag aasist ng form ok naman. habang tsini-chek ni manong  ang NBI form ko, napatingin sya sa akin at tila patanung na "camiling Tarlac?" at tumango lang ako , hmm marahil ilokano siya kasi ilokano ang mga taga camiling tulad ng tatay ko na inilagay ko sa form yung place of birth ng tatay kong pogi, after nun pumila naman ako sa pag-babayad sabi ng friend ko 115 pesos lang ang bayad ng NBI clearance, pero nung ako na yung nag-babayad dahil wala akong eksaktong 115 pesos na dala sa bulsa ko, ay buong 500 pesos yung binayad ko at sinuklian ako ng 380 hmmmm kulang ata ng 5 pesos yung sukli ko, imbis na 385 pesos e naging 380 pesos lang inabot sa akin ng lalake nagku computer dun kahit na napansin ko dun sa lagayn ng pera e, may mga barya naman.at sa pag-kakatanda ko ganun din yung nasingil sa akin 120 pesos, nag-bigay ako ng 500 pesos at kulang ulit ng sukli ko ng 5 pesos? hmmm kung higit sa pa dalawa o tatlong tao ang hindi nasusuklian ng tama araw -araw sa trabaho nila, aba yan yung tinatawag na corruption. well its a small amount lang for now sa akin yun kasi importante matapos lang ako kasi medyo matagal tagal din ang hinintay ko bago ako makabayad. sa susunod na step ay verification ng form yung ita-type nila yung mga information na sinulat mo sa form at i-encode nila yun sa computer na nakikita mo din sa harapan mo marahil siguro kung my correction ka sa pangalan nila na ilalagay nila sa computer. Nung nakita ko yung pila haayyyyy grabe sabi ko ito na naman antayan portion sa mahabng pila hmmm meju matagal tagal din bago ako makapasok sa loob para mai incode ang NBI form ko, nung andun nako sa mismong harapan ng pintuan ng room na yun e sumunod ako dun sa isang lalaki na kasunod ko, pero sinita ako ng lalaking nakupo dun sa harap ng lamesa sa loob , akala ko tambay lang siya dun taga sita pala pag-sobra na yung tao na napila sa loob, sabi nya 10 lang muna ang pedeng pumila, pero bago yun may tatlong tao na naguusap sa harapan ng pintuan ng room na yun, deadma lang ako pero bigla sinabi ng lalaking kasama nila na "oh sige dyan kana" sa madaling sabi pinasingit nya yung matabang babae imbis na ako dapat dun naiinis ako sa loob loob ko kasi pag-katapos ko nakapila sa mahabang prosisyun sisingitan lang ako? hayyyyyy ang pinagtataka ko pa bakit hindi yun napansin ng lalaking nakatambay dun sa loob na taga sita ng mga maiingay este ng mga taong pasok lang ng pasok sa loob? well pasenxa sistem ang inuna ko kahit mataba siya at babae isa lang naman siya, kaya pinag bigyan ko na dahil alam ko hindi talaga nawawala at mawawala ang singitan system sa ganyang proseso. pero ang sa akin lang sana hindi naman sana ganun kasi kung alam nyu lang may sumusunod din sa akin na matandang babae na nakapila din at nagta tyaga din sa pila tulad ng iilan na kasama ko sa pila, tas sisingitan lang kami ng matabang babae na yun sana kahit man lang siya ay mahiya hindi lang sa katawan nya kundi sa pag-mumukha nya, hayyyyy so after ng verification ng form , picture taking naman medyo mahaba ang pila at mabagal umusad tulad ng mga naunang pila na pinag-daanan ko, at dun ko ulit nakita yung tatlong nag-pasingit na babeng mataba, naiinis ako imbis na ako yung kasunod ng nauna sa akin ay siya itong sinusundan ko pa sa pila hayyyy maya maya pa'y umalis siya nung umalis siya, bigla ako dumikit dun sa lalaking ako dapat kasunod then napansin ko yung matabang babae andun sa tabi ng maliit na tindahan nakaupo at naninigarilyo, maya maya pay umusad ng bahagya ang pila gang sa lumapit ako sa mismong pader ng mga nakapila dun, at maya maya din ay naka pila na din yung matabang babae sa pag-kakataon na yun nasa likod ko na siya hmmm talagang hindi ko na siya pinasingit nu, habang nasa pila ako may nakita akong piso dun sa kanal, hindi naman basa o wala naman maruming tubig yung kanal nila dun sa madaling sabi tuyo yung kanal,  kaya pasimple akong umupo at kinuha ko yung piso sayang e, e anu kung may makakita at mag-isip na para piso lang pupulutin ko pa, para sa akin kahit piso yun pera pa din yun ng Pilipinas. Hindi nga nag-tagal ako na yung susunod na pipicturan well wala na man naging problema after picture,  biometric naman sa sampong mga daliri. hayyyyy Finaly ang pinaka last process ay hahantayin mong tawagin yung name mo sa mga natapos ng NBI clearance, since naman na katatapos ko lang makuhanan ng picture e, naisipan ko ng kumain dahil yun din ang oras ng pag-kain ng mga NBI agent dun hehe. well sa pag-labas ko dami namang canteen andun, kaso wala ng mga ulam at yung iba may ulam pa kaso hindi ko gusto kainin hehe kaya naglakad lakad pa ako gang sa makarating ako sa isang tindahan na canteen din, dahil sa wala akong maisip na pedeng tanghalian e nag- coke na lang ako at chippy at punchy bar sulit nako dun at busog na kahit paanu. pag-katapos kong mag-pahinga e bumalik nako sa NBI office, wala maxado mga tao marahil umalis din para kumain, para akong palaboy dun na palakad lakad , nag-hahanap ng magandang mapu pwestuhan, sa bandang likod ako unang umupo kaso hindi ako nag-tagal kasi may nanigarilyo sa tabi ko, e medyo inuubo at sinisipon ako ngayun kaya iniiwasan ko ang usok. maya maya pa'y dumarami na ang tao, bumabalik na yung mga nag-sikain sa ibat ibang canteen sa labas. bumalik na din si manong at nag-labas ng mga nakulimbat nya sa loob yung mga natapos na NBI form at NBI reciept lang. swerte mo kung NBI form na talaga yung naibigay sayu, hindi tulad sa akin at sa iba e recipt lng meaning nun may kapangalan ka hayyyyy... matagal tagal din bago ko nakuha yung NBI reciept ko tulad ng sinabi ko may kapangalan ako, aantayin ko ito gang feb. para makuha. hmmm isa pang kinakatakot ko kasi may mga iilang tao na kumukuha din ng NBI clearance nila na kung saan last year pa pala sila nag pa clearance dun kaso until now wala pa daw yung sa kanila, advice ni manong sa iba antayin lang daw, sa iba naman mag- online kung kelan makukuha yung NBI clearance nila at yung iba mag re apply daw ulit haayyyy sabi ni manong dahil daw bago daw ang sistema ng NBI lahat ng mga pangalan ng ibang aplikante ay hindi kilala kaya puro receipt muna ang binibigay, kung bago ang sistema nila at hindi na raw kilala ng computer system nila ang mga taong nag-aaply ng NBI clerance e bakit yung iba agad agad my NBI record sila at nakukuha yung NBI clearance? kaya yung iba nakasimangot lalo na yung mga gustong mag-abroad kasi nagiging cost ng delation ng pag-process nila sa mga requirement na inaaplayan din nila. ito ang explanation ni manong sa pag-kakatanda ko sa sinabi nya " Hindi namin kayo masisisi kung maiinis kayo o magagalit  sa amin, kahit siguro ako maiinis din kasi biruin mo umaabot ng 6 months bago makuha yung NBI clearance, karapatan nyu pong magalit kasi unang una nag-bayad namn kayo ng 115 pesos... gusto ko tuloy sabihin ke manong na 115 pesos lang pala yung bayad e bakit 120 pesos yung sinisingil sa iba , tulad sa akin? sabi nya pa .... yung record daw sa ibat ibang branches ng NBI sa Pilipinas ay nasa iisang computer lang daw sa Manila kaya daw mabagal at matagal daw minsan makuha yung NBI clearance. pero manong bakit naman 6 months? ang tagal nun kung 1 month nga lang matagal na e yung 6 months pa? haller...? anu ba ginagawa ng GOBYERNO sa sistemang yan , harap harapan ka na ngang sinisingitan katulong pa yung ibang mga NBI agent nila dun, matagal tagaaaaaaaaaaaaaaaallllll mo pa makukuha pala ang NBI mo, ang masaklap baka ire aply mo pa ulit after 6 months? huhuhuhu kawawa naman kami oh!! pero sa lahat lahat ng ito, ok naman si manong maki-pagusap, malakas ang boses pero may dating, nakukuha nya naman yung loob ng mga tao kasi may sense of humor siya .he get closed to other people around him and get jokes with in. kaya naman kahit paanu nababawasan ang pagkainis mo sa sistema nila at sa hindi maputol putol na mahabang pila araw araw. marahil ganito din sa mga ibang proseso sa pag-kuha ng requirements. tulad ng voters ID ko until now wala parin hayyyyy nako naman!!!

Ang Matanda at ang Bata.

Gabi ng December 30, 2011, Isang Matandang lalake na nasa edad 65 pataas at isang batang babae na may edad na 6 o 7 na edad, nakita ko sila sa Dau Terminal, ang alam ko nanlilimus sila sa mga pasaherong andun sa Terminal, dahil sa kanilang kasuotan na masasabi mong mga pulubi sa daan, may dalang lumang sirang gitara ang matanda na kanyang bitbit sa kanyang likuran habang inaalalayan sya ng batang babae na kasama nya. habang nag-aabang kami ng medyo maluwag luwag na bus dahil nga punuan at siksikan ang ibang bus , dahil narin siguro may mga pasahero na uuwi sa kani-kanilang probinsya. maliban sa mga magagandang pasahero na gusto din namin makita , ang dalawang taong ito ang naka-agaw ng pansin sa akin. sa isang bus sila sinubukan sumakay so naisip ko pasahero din pala sila na gusto din makisakay pero hindi sila pinasakay hindi dahil siguro punu na ang bus dahil narin siguro sa kanilang amoy at kasuutan. Napansin ko din ang isang Helper na lalake na tinutulungan din sila makasakay sa mga bus pero hindi din nagtagal at iniwanan din sila nito, sinundan ko ng tingin ang dalawa inaalalayan ng bata ang matanda gang sila ay naupo sa isang sulok, napansin ko ang kalagayan nila lalo pa akong naawa dahil bulag pala ang matanda at ang tanging gabay lang niya ay ang batang babae na kasama nya. nainis lang ako sa matanda dahil kahit ganun ang kalagayan nila nakuha nya pang manigarilyo, pero mag-pagayunpaman awa parin ako lalo na sa bata, marahil naisipan nyang umupo dahil narin napapagod na siya sa kakaalalay sa matanda. 

Maya- maya pa may isang bus na pumarada sa harap ng kinakatayuan namin ng kasama ko, so naisip namin na sumakay na agad kami kahit na nakatayo na lang kami , sa isang bus na may pintuan sa gitna ng bus kami pumasok at sa hagdanan nun , dun kami pumwesto dahil pwede kami umupo kahit sa hagdanan na lang ng bus na yun,bigla ko din nakitang sumakay ang matanda at ang bata sa bus at sa awa ng Diyos nakaupo naman sila sa tatluhang upuan, sa isang lalaki hindi ko alam kung maawa ako or matatawa ako dahil katabi nya yung dalawa , dahil bigla na lng ito nagtakip ng ilong at kunwari tulog dahil hawak ng isang kamay nya ang ilong nya, pero sa kabilang banda nauunawaan ko naman yung lalaki na nasa gitna na katabi ang matanda habang kalung kalong nya ang batang babae. nagsimulang umandar ang bus punuan at siksikan sa loob habang kami ng kasama ko ay umupo sa hagdanan ng bus sa gitna. maluwag na sana ang pwesto namin kung hindi lang sumakay ang dalawang lalaki at naki pwesto din sa amin hayyyy.... habang nasa hi-way napansin ko na tulog na ang bata sa kanlungan ng matanda, habang nagsisimula magbigay ng ticket ang  kondoktor ng bus. at hindi nga nagtagal nagsisingilan na, hmmm bigla pumasok sa isip ko na ako na lang ang mag bayad sa dalawa tutal naawa talaga ako sa lagay nila, sinabi ko ito sa kasama ko, natural ang sinabi nya lang sige so sige nga ako nakita ko na humuhugot ng pera yung matanda sa bulsa nya hindi nya alam kung magkanu ang hawak nyang pera basta dumukot na lng sya, nakita ko puro limang piso ang nakukuha nya, nung una nahihiya akong gawin ang nais kong ilibre ang dalawa kaso sabi ko wala namang masama kung gagawin ko yun, so sa kakaisip ko nakabayad na pala ang dalawa, so bigla ko tinawag yung kondoktor sabi ko kuya, kuya pakibalik na lang yung bayad nila, ako na lang yung magbabayad sa dalawa ,  tinanong pa ako ng kondoktor kaya umoo kaagad ako na ,oo ako nga sabi ko sa isip ko kahit na tumango nako sa tanung nya nung una, ang ibang pasahero napatingin lang sa akin sa ginawa ko. so binalik nga ng kondoktor yung pera ng dalawa hindi man ako nakarinig ng pasasalamat sa matanda , para sa akin sapat na yung ginawa ko sa kanila , maliit mang tulong na maituturing ang ginagawa ko pero sana may mga tao parin na handang tumulong sa mga taong tulad nila. Ngiti ang naramdaman ko para sa bata sa pagod nyang kakaalalay sa matanda sapat na ang makita kong tulog sya sa kanlungan ng lolo nya.